主页 > F生活吧 >索马里海盗绝迹!! 全靠一位日本人 >

索马里海盗绝迹!! 全靠一位日本人


2020-07-29


自千禧年代起,东非索马里外海同亚丁湾嘅索马里海盗引发多件国际关注事件,佢哋喺海上进行打劫、绑架甚至骑劫勒索,真係夸张过荷李活电影《加勒比海盗》!之不过,近年海湾又再次回归平静,幕后功臣并唔係边个大将领,反而係被一个日本寿司连锁店嘅老闆收服咗,而呢位勇猛嘅寿司店老闆就係寿司三味(すしざんまい,Sushi Zanmai)嘅老闆,又称黄鳍吞拿鱼大王-木村清!

索马里海盗绝迹!! 全靠一位日本人索马里海盗绝迹!! 全靠一位日本人「消灭」海盗的来龙去脉

木村清贵为大型寿司连锁店老闆,所以都会定期去渔市场进行竞投。但係,佢慢慢发现店内所使用嘅高级吞拿鱼品种-「黄鳍吞拿」越标越贵,查访之下,先发现原来「黄鳍吞拿」嘅渔场就位于索马里外海,亦即係当年海盗最猖狂嘅地方,而亦因为咁而令到渔船怕被抢劫,而令到「黄鳍吞拿」供应量愈化愈少,个价因此推到愈来愈高!

索马里海盗绝迹!! 全靠一位日本人

于是,佢就把心一横,同海盗们进行谈判!讲到呢度,记者已经觉得佢係个神人!木村清发现,海盗们都係因为生活艰难,为咗要维持生计先要向渔船进行抢劫。后来,佢就提议,海盗们可以到外海湾捕捉吞拿鱼嚟搵钱养家,靠双手而令自己同屋企人更有尊严地生活!其后,木村清亦为张罗帮助佢哋成事、「改邪归正」嘅方案。木村清将旗下嘅渔船借畀海盗们,同时,亦向佢地传输捕鱼技术、安装冻仓,更加协助索马里盟IOTC (Indian Ocean Tuna Commission)令佢哋可以成功向外销售吞拿鱼。

索马里海盗绝迹!! 全靠一位日本人

木村清后来更同海盗们达成协议,保证全数收购所捕获嘅吞拿,以确保佢哋嘅收入。纵然,木村清表示,呢门同海盗们合作嘅生意一直维持亏损状态,佢亦愿意做,原因亦只有一个,就係:「做生意唔能够只顾眼前利益,亦唔能够只顾赚钱」。木村清呢一举除咗可以拯救索马里海湾同班海盗之外,仲可以带返啲高级黄鳍吞拿返嚟畀我哋享用,真係抵索马里邻国吉布当向佢颁赠勋奖,记者都好想多谢你呀!

索马里海盗绝迹!! 全靠一位日本人

木村清同索马里海盗嘅故事真係有血有泪,仲夸张过电影《加勒比海盗》!

索马里海盗绝迹!! 全靠一位日本人

木村清究竟有咩来头?

木村清为被誉为日本第一连锁寿司店-寿司三味嘅老闆,由1979年起已开始以「木村商店」之名,开发及製造各式各样嘅便当、寿司素材,其后加入销售。于2001年4月于筑地场外市场更开设「寿司三味总店」,其后亦于日本各地开设共63间分店,非常受日本人欢迎!

索马里海盗绝迹!! 全靠一位日本人图片来源索马里海盗绝迹!! 全靠一位日本人

虽然大家都话同样咁出名嘅大和寿司若然值100分,寿味三味就值95分,但见到老闆咁卖力帮海盗、又成功帮大家争取返黄鳍吞拿鱼返嚟,大家下次去日本旅行,都不妨一试呢间咁由呢个有情有义老闆所开嘅寿司店!

索马里海盗绝迹!! 全靠一位日本人图片来源寿司三味

总店地址:东京都中央区筑地 4-11-9

开放时间:24小时营业,年中无休

日本其他地区分店



上一篇:
下一篇: